س : بداية احساسك بشاعريتك متى كانت ؟ وماهي أول محاولة شعريه لك
ومن أول من اطّلع عليها ؟ وكيف كانت قناعتك بها ؟
راح أكون بقد ما أقدر صريحه وان شاء الله لاتؤخذ علي صراحتي 
كانت بدايتي وأنا في عمر 8 سنوات كنت أحب أنا أكتب كلمات ( لا أستطيع أن أقول بأنها شعر أبدا ) لكن كانت هي شراره أن هذي الطفله خلفها هناك احساس وكنت أجمع هذي الأوراق ولا أريد من أي شخص أن يطلع عليها لكن ( ليس كل مايشتهي المرء يدركه ) ( أنكفشت فيها ) ==>> عمرها 8 سنوات وعندها رسائل عاطفيه
وكان هالشخص اللي أطلع عليها هو كل الدنيا بالنسبه لي ( كانت والدتي الله يحفظها ) وكان يوم لا ينسى بالنسبه لي لأني حزنت كثيرا وبكيت كثيرا ( وللآن لا أدري ماسبب بكائي مع ان والدتي أعجبت بكلماتي وبراءتي فيها ) ..
بعدها وجدت تشجيع من والدتي فكنت كل ما أكتب أي ( خربشه ) أركض لها وتسمعني بصدر رحب ( مع انها مجرد عبثيات ) والله يجزاه خير كيف تحمتلت ركاكتي وشخبطاتي
في عمر 14 سنه كانت هناك تجربه فعليه في عالم مهيب يسمى شعر ( القافيه 100% الإلتزام فيها ) لكن الوزن يخلف الله هههههه
طبعا كنت ( شاعرة الشله هم بس يعطوني الفكره وأنا مخايله بنت لعبون أبدع لهم القصيده وماتاخذ معي ولا 10 دقايق ) ===>> وربي بعضها لما أرجع أقرأها أضحك كثيرا على اللي كانوا يمجدون هذي الشاعريه الناقصه من الممارسه والمعرفه ..
وأتذكر أستمريت على هذا المنوال إلا أن صدمني عمي وقرأ لي نص وأنا أطالعه بطرف عيني ==>> طبعا شاعــــــره بس أنتظر كلمة ( أنتي خطــــــــــــيره ) لكن كانت الطامه كبيره عندمــــا ضحك وبعــــدهـــا للأســــف ضحــــــــــــك 
قال حبيبتي حلوه ( خواطرك ) ؟؟؟؟؟
قلت هذي قصيده ؟؟
قال ياشيخه لا حد يسمعك بس ؟؟؟
==>> قمة الاحباط
وكـــــــــــــانت القصيده اللي تعبتني وتعبتها كثيرا عــــام 2004
بعنـــوان ( زهــــرة اليــــاسمينه )
أرحــل وأنا أرحـــل بعد ماطـــلة الشمـس= وأنسى ليالي تحت ضو المدينه
أرحل وأنا أرحل مابقى بيننا همس=رحلة صراحه والمشاعر سفينه
(فلانه) تحسب واقع الحب بالخمس=وجالك الخبر مع زهرة الياسمينه
يابعد ذا اليوم عن دورات الأمس=دورات دنيا بين قلب وظنينه
فاحت دلالي وش بقى اليوم للحمس=وأشوف فنجالي سقط من يمينه
فاحت وصارت قهوتي تقصر اللمس=فلان ترى الفنجال كسره غبينه
وهنـــا كانت الإنطـــلاقه ..
لــم أفكر بتقبل الآخـــرين لي كنت سعيده بنفسي وكنت أسعد عندمـــا وجدت نفسي قادره على الإفصاح عن مشاعر الغير بقلمي ..
س: أين أصنف الشعر في أولويات حياتك ؟ أخذ من وقتك على حساب دراستك ؟
الشعر ليس في أولويات حياتي ربما أنا في أولوياته
ولم يأخذ من دراستي شيء لأني كما ذكرت مجرد هاويه وأجمل مافي الموضوع أن أغلب قصائدي ارتجاليه وفي وقتها تطلع كما هي بدون تكلف ..
س: موقف عائلتك من الظهور والمعارضة ؟ كيف كان ؟
وجدت التشجيع كبير من والدتي أما والدي كانت لي معه حكايه طريفه ( كنت لما أعمل محاوره أجيب اللاب توب وأقرأ له المحاوره كلها وأقول هذي بنت وتحاور كم واحد في نفس الوقت ؟ وكان يقول .. الله يعرض لها شيطانه هالبنت ؟ وكان يسألني عنها دايم لين طال عمرها الوالده وكشفت له السر وقالت هذي بنتك ؟ وماكان منه الا كل تشجيع وماقصر رفع معنوياتي حيل )
أما بالنسبه للباقي من إخواني الحمد الله هذي قاعدتي دائما ( أنا ما أجيب إلا ما يبيض الوجه ) يعني ماوجدت أي مشكله من هالناحيه ..
أحس اني جبت الأجوبه سايحه على بعض لكن ان شاء الله جبت المفيد ..
« آخـــر الـــمـــشـــاركــــات »
رد: لقاء جديد ..ومهرة الشعر الاصيل (مخايلة الجود ).. 
العرض العادي
