حياك الله يا سالم
وان شاء الله المصداقيه موجوده يالطيب من بداية اللقاء
ذكرتي اسم ريناد القحطاني وبما لقبتش
نعرف في الوقت الحالي ان الشبهات تحوم حول اسم ريناد القحطاني من يقول انها طلعت فلان الفلاني ومن وضع قيمة 50الف ريال لمن يثبت ان ريناد شاعره ولم احد يثبت وبما انها لقبتش على قولتش هل تثبتين من هي ريناد القحطاني وهل انتي متأكده من اللذي يختلف خلف هذا المسمى؟؟؟؟ان كان نسائي
شوف ياسالم واقولها لك بكل صراحه
ريناد القحطاني تشرف بمعرفتها كشاعره وشخصيه اكن لها كل تقدير واحترام
وحقيقة أنا مايهمني من تكون ريناد بقدر مايهمني شي واحد أنها نقدتني بصدق وكذلك انصفتني بصدق
البيت اللذي دار حوله الجدال مع الأخ محمد ال مهيد بكل صراحه الم ترين انه سبب لش حرج زايد وحتى لو كنتي تقصدين شي اخر؟؟؟
بالعكس .. ليش الإحراج
يعني لأني شاعره يفهم الشاعر قصيدي بهواه
ويفسره بكيفه
أما هوَ فلا يكتب ما بدا له دون تحفظ بحكم انه رجل
هالكلام ما هو منطقي .. والجيد دائما يفرض نفسه
وهالقصيده لو ما نالت الاعجاب ما دار حولها كل هالحوار
وعلى أية حال ارضاء الناس غاية لا تدرك
حنان ال الفاضل
هل انتي معروفه اعلامياً أم فقط على مستوى الشبكات العنكبوتيه فقط؟؟ بصراحه لم ارى اسمك سوى في الشبكات العنكبوتيه بالنسبه لي
انا عرفت من خلال الشبكه العنكبوتيه
وسبق لي النشر في بعض الجرايد والمجلات
لكن تواجدي بها قليل جدا
حنان بما انش عنصر نسائي
يوجد برامج تلفزيونيه يقدمها عنصر نسائي وهي بهيئه مدري وش اسميها المهم ((مهي بمحترمه))((اقصد الزي))
هل تأيدين من يقدم البرامج وبهذ الشكل من العنصر النسائي وهل العنصر النسائي ملم بكل الموروث؟؟؟وهل هي قادره لتقديم مثل هذي البرمج
والله يا سالم سؤالك هذا مدري ليه وجهتة لي لكن بجاوبك ولا يهمك وباختصار
علينا أن نتقي الله في كل عمل نعمله قبل كل شي
وثانيا الستر طيب ... ومن يتقي رب العالمين
يدرك ماله وما عليه
حنان كم صدمه وصلتك من المنتديات وبعض الردود؟؟؟
يعني بنقد او بغيره
كذا مره والله ... واذا شفت النقد في محله اخذ فيه دون تردد
واذا شفت انه كلام زايد وحكي فاضي ماألقي له بال ابد
حنان ال فاضل
بكون واقعي معش
بعض الشاعرات يبرزون في المنتديت وعندما تاتيهم دعوات لأمسيات رسميه ونسأئيه فقط داخل السعوديه وخارجه يعتذرون ويبررون ذالك بالعادت والتقاليد طيب اذا كانو يقولون عادات وتقاليد فهل العادات والتقاليد تسمح لهم بدخول المنتديات بين االاف لشباب؟؟ مارأيك
يالطيب لازم ندرك إن كل شاعره لها ظروفها الخاصه وما لنا حق ابد نحلل بهوانا تواجدها من عدمه
وبالنسبه للمنتديات من يشوف تواجد الشاعره فيها يسيء لها اسمح لي اقولك الله يشفيه ويعافيه... وحتى لو فيه شبااب بما أنها تخاف الله وتتقيه
صدقني تسير وخطاها ثابته ... لكن اصحاب النفوس المريضه استفحل فيهم المرض نسأل الله الشفاء لكل مريض
حنان اخيرا
امام الجميع لو وجهت لش دعوه بأقامه امسيه رسميه نسائيه ومنقوله عن طريق الأذاعه بالصوت فقط داخل السعوديه وخارجها هل توافقين؟؟((ومسؤلين بعد عن تنقلتش والسكن؟؟((مافيها كلام))ههه
لا والله ما اوافق والسبب لان فيه قلم يكتب وينوب عن الصوت
بالاضافه لأن صوت المرأه فتنه فما بالك اذا قالت قصيد
الله يسترنا بستره
كل الشكر لحضورك يالطيب
وان شاء الله اني ماقلت الا الصدق بارك الله فيك
وحياك الله متى ما اردت
الإهداءات
« آخـــر الـــمـــشـــاركــــات »
حنان آل فاضل 
العرض العادي
