دوري آبشوفـك مـن أجمـل زؤايـاك=روحـي اليـن آخـر هدبـك وتعالـي
أمشي بعيني مـن هنـا لآخـر هنـاك=خلـك يمينـي وأشعـر أنـك شمالـي
شقي ستر ثـوب الحيـا شـق يفـداك=صبّي غنجـك بكـاس روحـي بدالـي
أرواك وأظمـا منـك وأظمـاك وأرواك=أروى وتظمـأ فـي يدينـك أحبـالـي
ياطعم مـرك لا تسـاوى مـع أحـلاك=منك الشهد علقـم ولـو كـان حالـي
قولي أحبك . أعشقك . قولي أهـواك=خليني أوصـل فـي غرامـك خيالـي
والله يالـولا رحمتـه ثــم لــولاك=أنـي برجـم مـن المخاليـق خالـي
أمـوت دونـك حـي وأحيـا بلقيـاك=دامي رخصِت أشلون أبشريـك غالـي
من قبل لا تزعل أجيك أطلـب أرضـاك=وأجيـك ميـت بالـزعـل ماتبـألـي
أشربك شوق ولهفتي شـوق تضمـاك=بعيد وأقـرب بالنفـس مـن أظلالـي
أنـا معـك ماكنـك الاّ أنـت ؤيــاك=وأنتـه معـي ماكـنـي الاّ لحـالـي
أبسألـك باللـي حرمنيـك وأعـطـاك = هو فيه أعـذب منـك لامـن طرالـي
والـورد ليـه الـورد .. يذبـل بيمنـاك=ليـه أترجـا فـي جوابـك سـؤالـي
الى متى والقلب فـي سجـن رجـواك=الـى متـى والعقـل يلبـس أهبالـي
دام العزى يأسـه علـى حـد مسـراك=وشولـه أرقـا والوطـا صـار عالـي
أنثر حروفـك فـوق الأوراق وألقـاك=عشقي من الاربـع جهـات الشمالـي

من باعني بالرخص وشلون أبشريه = واللي شراني كيف أبيعه بضيقه
الـحــلـم وردي يـازمــان الـمــشـاريـه = بين الاماني والامل والحقيقه
الضيق مايبْعّدك عن حي تغليه = لو تشتعل كل الاماكن حريقه
المر كأسه نشربه لجل حاليه = لو مانطيقه غصب عنا نطيقه
ياشين وقت أفراق غالي لغاليه = بين المواجع والجروح العميقه
القلب هم البعد والهجر طاويه = بعد أختلافات العهود الوثيقه
اللي بقى ياهاجسي وش تسميه ؟= والجرح يكبر من رفيق لرفيقه
جرحٍ سكن بين الخفوق ومحانيه = يكبر مابين الثانيه والدقيقه
أسج والذكرى القديمه تصحيه = ماكن صوتي نــّـشـف الهم ريقه
وعشقي وتفكيري وصدري ومافيه = هتان وطعون الليالي عتيقه
ماكل مايطري على البال نبغيه = ولاكل نفسٍ للمواصل شفيقه
وصدق الغلا فوق العتب والمشاريه = نبض الصدور اللي وفاها حقيقه

هلا لا قلتها ثـأر القصيـد بنشـوة المجنـون = جنونه عـشـق ينزف والتباعـد غيّـر أوضاعـه
هـلا لا قلتهـا بْشفـاك تنسـج للغـرام فنـون = ترتلها مثـل صبـحٍ رقـص للجـو نعناعـه
أنا وشلون أطالب ثغرك الباسـم وأنـا مديـون = وفـا لظروفك اللي عاكست بي عقرب الساعـه
أنا لو خان صبري لك خفوقي بالوفـا مرهـون = أسـيّر مركبي بأمواج حبـك وأفـرد أشراعـه
تخيّل .. جيتك أنزف كبرياء بعـزة المطعـون = تخيّل من يسايرك الحديـث ويخفـي أوجاعـه
يجيك بلون قلبك مندفع والوقت شاحـب لـون = بنفس اللؤن لو مات الربيـع بنـص مرباعـه
على الموعد عيون اللي يحبك تستغيث الكـون = يخاف الوقت يستهون بطاه بشرهـة أسراعـه
حقايق باهره .. وأنتي ذبيحـك يالعيـون عيـون = عجزت آصْف وعذري لك علّي السمع والطاعه
يازينك لا رقص خامل هدبك الطاغي المجنـون = بسـجـعات العيون اللي لنبـض القلـب نزاعـه
تعال أسكب بسمعي صوتك الدافي ولّه وأشـجـون = تعال أبيك كلك .. يارجا المشتـاق وأطماعـه
هويتك كثر ماهـز الفـراق العاشـق المفتـون = كثر مافاضت عيونـه عبايـر وجْـد ملتاعـه
حقيقه عأيشه بأعمق حنايا شاعرٍ مسجـون = رغم أنه طليق أتخيّـل أن القيـد بأطـباعه !!

شابت سنيني .. شبي أيامي السود = تماكني بي مابقى من بقايا
مدي يدينك جود وأنهمري بجود = قبل أنتثر تـنـّـثـري لي هدايا
شبي فتيل الشوق لاهبت النود = فلي جـدْيـلك .. بعـثـرّيـني شظايا
قبل الضمأ يجتاحنا وصل وصدود = أنا ضمأ روحي لجمر الشفايا
واليا عسرك البوح ياغضة العود = أرمـّيـه يمي بأمهات المنايا
اللي بقى شعرٍ ليا غبت موجود = ونيه تسّيرني وحفنة خطايا
أن قلت ماعانيت ماعندي شهود = الا المواجع في جذور الخفايا
دورّت نبعك والضمأ فيني بزود = ولقيت ماكل النوايا .. نوايا
يابنت ماكل السوالف بها فود = أجمل كلام الصمت صمت الحكايا
يابنت لي مبدى وأنا مالي حدود = لاملت أوجيه الوجيّه المرايا
كلي غلا لو سيف الأيام مجرود = العشـق حسناته ثمن للخطايا
ياموعدٍ يبقيني أنسان موعود = للحلم وآمال بخيالك عرايا
راضي بسجنٍ جيت يمه بلا قيود = بقيد الوصل صكي علّي الزوايا
وأنا دخيل العين ورموشك السود = تماكني بي مابقا من بقايا