ل

مادامها حيّه فانا بخير وفير
لبا حواجبها ووسع عيونها
تسوالها في خاطري جمعٍ غفير
سميتها ليلى وانا مجنونها!

اليا كتبت الشعر من قلب مشتاقي
عليك تسمع بيوتٍ فيك ناقيها
افطن لقصدي مادامك كاشف اوراقي
وارجع مادام الحياة ايقلّ باقيها
يابهجةٍ في بقايا عمري الباقي
اخلفت هقواتي اللي فيك هاقيها
يالمزنه اللي بلا رعد ٍ وبراقي
ماتت غصون الهوى ماسال ساقيها

رحلت ولابقى غير الدموع ولهفة المشتاق
بعد ذاك الغرام اللي مضى وشلون تنساني
ياليته عقب غيبتك الطويلة تصدق الاشواق
ويصدق حلمي اللي من لذيذ النوم صحاني
ابصبر واتحمل غيبتك لو الجفاء حراق
لكن الموت لو اصبر ورحت لواحدن ثاني !!

مافيه داعي تجبر النفس للبوح
يومك تجي وتغيب من دون ميعاد
تدري بحبك وانت مخطي ومسموح
وانا على دمح الخطاء منك معتاد

ماهو كذا شرع الغلا والمودة ..
ياللي تعرف حقوق الاحباب وش جاك !!
حكم القدر مااحدن من الناس رده ..
لكن ترى هجرٍ بلا اسباب فتّاك
ابني لك احساس الغرام وتهده ..
واطوّع أبيات الشعر غصب لرضاك !!
دام الغلا من حضرتك مستمده ..
اخذ الوكاد اني لو اضيع ماانساك
وحبل الهجر من بيننا لاتشده ..
وارحم عزيز القوم لاصار ينخاك !!
غربة عمر بين الرجاء والمودة ..
الله على كبر القسى فيك مااقساك !!

ياخي " تحرك " تكلم ! " قول ماتهوى ! !
لو ان قولك ماراق لفكري وبالي ..
أهم حاجة تحس اني على رجوى ! !
رجوى مشاهدك وانت بخير ياغالي ..
الحب هذا حياة ٍ كلها سلوى ! !
و راك صحيتني ياطيب الفالي ..
عنيت لجلك قصيدي مير لاجدوى ! !
واخاف يومن ماتسمع فيه موالي ..
البيض عقبك غدن حاجه ولاتسوى ! !
ماغير زولك مابين الناس يحلالي ..

لاحس يالغالي ولاجاني خبر
الله على ايام الجفا ياطولها
حتى الصبر ماعاد باقي بي صبر
لكن نفسي ترتجي مامولها !!

الهم ماياوي ولا الضيقه لها قلبٍ رحوم !!
تجمعت في خاطري دق الهموم وجلها ..
لوتصفي الدنيا لاهلها وقت ماظني تدوم ..
والناس فيها مايكفيها وزايد غلها
صحيح تثربي وفي قلبي مشاريه وعلوم..
لكن ترى ماني وكيل الخلق هذي كلها !!