ياللي رحلت ودمعتك فـوق خديـك=منها الخفوق انهزعرشـه بفرقـآك
تسآقط اورآق الشجر مع خطآويـك=لملم ورق حزني على هـم لآمـآك
اروى العروق اللي منـول تغذيـك=من شآن مآتنشف والاغصآن تقفآك
قد قلتهآ لك يوم انآ كنـت شآريـك=فوق الثلآث اشهور قلبـي تبنـآك
واليوم عفتك ثم كرهتـك ولآبيـك=مدآم بعت الوصـل لليـأس بعنـآك
خلآص آبرحل من حيآتك واخليـك=للي هوآك وبعتني لجـل يرضـآك
ماشآفني يوم اقطف الـورد بيديـك=ولايدري انه ضمنهم كـآن يفـدآك
ولاشآفني جآلس على حد شآطيـك=وآستمتع ابموجك وسآعآت لقيـآك
ولاشآف سكين الغدر بين ايآديـك=ولآشآفني منهآ صويـبً بعـد ذآك
والله مايقدر على كثـر مآعطيـك=من صادق احساس ومشاعر تغشآك
اسمع قرآري لجل غيري يواسيـك=دآمك بدآيـة حلـم مـت ودفنـآك
فوق النعش محمول والحب ينعيـك=والقلـب عزيتـه ولآعـآد ينعـآك

المشاركة الأصلية كتبت بواسطة مقعد العتيبي صح لسااانك يالشيباني نص رائع وشاعر جميل ,,, لاعدمنااااك ,,, تقديري الجم

المشاركة الأصلية كتبت بواسطة ذعار بن محمد لاهنت على القصيده الرااائعه والجزله يامتعب شاعر مبدع .. ولكن ياليت تعطي القصيده الاولى حقها من الردود وثم تنزل الاخرى .. لكي لاتظلمها لك التحية ..,

المشاركة الأصلية كتبت بواسطة سعد الدعجاني صح لسانك ولا هنت يا متعب .. رائعه رائعه .. تقبل تحياتي .. سعد الدعجاني ..

المشاركة الأصلية كتبت بواسطة قبلان الدعجاني صح السانك يا متعب ولا هنت على القصيدة الجميلة تحياتي